187. MUTIGAIKARE MWIRIGITWO

 187. MUTIGAIKARE MWIRIGITWO

1.

 Mutigaikare mwirigitwo,

 Thiini wa ciiraniro njeru.

 Iria mweriiruo ni Mwathani,

 Na riu ni imukinyiriire

 Nake Mwathani ari o hakuhi.

 

 2.

 Mutigakenjo ni uthamaki,

 Kana utonga wa thi ni igathira.

 Ari hakuhi ota muromo-ini,

 Mwathani acoke na uthamaki, 

 Wa gutuura tene na tene.

 

 3.

 Maundu maya maroneka,

 Nimakuhingia Ciiraniro,

 Iria Ciiraniiruo ni Jesu,

 Ngoro citu ni thagathage.

 Kuinuka mucii wa matu-ini

 

 4.

 Rumagia ciiraniro,

 Mugie na hinya wa irathimo,

 Mwathani witu ari hakuhi

 Mwikire kiyo mahoya-ini,

 Na wega na utheru wa Ngoro

 

 5.

 Niuhetwo maitho cuuthiriria,

 Umenye na ngoro,

 Na ukurane uiyurwo ni gukiririria.

 Mahinda maria wetereire,

 Matikarehe githethuko.

 

 6.

 Riri ni ihinda ria kwirira,

 Gutiri mwihia ukona Ngai.

 Mothamaki ma thi mathira.

 Ngumwira ma no mukarira,

 Mwakinya giti-ini kia unene.

 

 7.

 Kirindi giothe gia guku thi,

 Kihang’anitie na uthamaki.

 Na gitingimenya ni gikuu.

 Muayo uria uheanitwo tuhu,

 Ucio makawagira bata.

 

 8.

 Andu a ngarari makarira,

 Kiriro kia ruo rwa ngoro.

 Na kieha kiingi na maithori,

 Mamenya ihinda ni riathira.

 Na matikahota kwirira.