Posts

176. HINDI INO NI HINDI YA UTHINJIRI

  176. HINDI INO NI HINDI YA UTHINJIRI 1.  Hindi ino ni hindi ya uthinjiri,  Wa thakame theru ya uhoreri  Iria yaiyinire marakara,  Ne gituma Roho aikuruke thi.     2.  Muthinjiri riu e ithanduku-ini,  Ehumbite nguo ya ikunia.  Ena ruo rwa kirikaniro,  Kiria giatumire oke anyarirwo.     3.  Riria Jesu akeruo ni Ithe Ngai,  Ruo na maithori ni waigania.  Hindi ya uthamaki ni ya kinya,  Coke giti-ini giaku utue ciira.    4.  Giti kiu nikio kia mwihitwa,  Wehitirwo na utheru wa Ngai.  Matuku-ini maria ma Daudi,  Gikirwo gigatura ota riua.     5.  Guku thi guothe gugathingitha,  Ni uthamaki ucio wa Gaturume  Nduriri ciothe ikagia na kieha.  Iria ciumitio ngoro ni mehia.     6.  Ndahithire ni atigire oimbura,  Akiuga waganu ni ukaingiha.  Uiyure thi ta kiguu kia mai,  Wendani wage gwa Kuhuruka.
Post a Comment
Read more

177. ARAIKA A NGAI MARI MITUKI

  177. ARAIKA A NGAI MARI MITUKI 1.  Araika a Ngai mari mituki,  Na mari kio muno,  Gutiri uhenenagia.     Chorus:  Tiga kuiyurwo ni marakara,  Thikiriria uhoro wega,  umenye kihoto haria kiri,  Kia uhoro ucio ukwaragia.     2.  Ni muraika wahitukiire,  Mucii kwa Iburahimu,  Akiira Sara ni akaheo,  Mwana ugwitwo Isaka.     3.  Ni muraika wamemendire,  Marigithathi mothe,  Muthenya na utuku na ndahuruke,  Bururi wa Misiri.     4.  Ni Muraika ugwitwo Jibiraeli,  Woimiriire Mariam,  Tondu urathi wari mukinyu  Muru wa Ngai aciaruo.
Post a Comment
Read more

178. JESU WAKWA NINGUGWITA

  178. JESU WAKWA NINGUGWITA 1.  Jesu wakwa ningugwita  Uuke ngoro-ini yakwa.  Ni gukorwo ndi rugendo Rwa guka kuu iguru.     Chorus:  Haleluya, Haleluya, Haleluya, we Kristo  Haleluya, Haleluya, Haleluya, AMEN.     2.  Ni gukoruo wi muteithia  Wa aria meguthii iguru  Aria metegwitigira  Ona kundu gwi gikuu     3.  Jesu ni muteithia wakwa,  Matuku ndi guku thi.  Na nikio itangitithia  Rugendo-ini rwakwa.     4.  Giuke ngoro-ini yakwa  Uninire ng’aragu.  Ona nyota munene ma,  Uhe irio cia muoyo.
Post a Comment
Read more

179. HALELUYA JESU HALELUYA

  179. HALELUYA JESU HALELUYA 1.  Haleluya, Jesu Haleluya, x3.  Tonya ngoro-ini yakwa.     2.  Tugie ngwataniro yakwa nawe x3  Na Roho Mutheru.     3.  Ucio uitiriirio ngoro-ini x2  Cia andu aria atheru ni Jehova  Ngai wa matu-ini.     4.  Ngwataniro ituike ya gutoria  Hinya wa Shaitani     5.  Niundu ndari hinya gwataniro-ini  Yaku na aria makwendete.     6.  Haleluya Jesu Muhonokia  Haleluya Jesu ni ngugwita  Uhumbe riri waku    7.  Nduike kionerereria Jesu wakwa  Gia ciiko ciaku Jesu     8.  Ndigatuike githuki gia kuhinga  Ngoro cia andu a guku thi.
Post a Comment
Read more

180. ROHO NI OIGAGA MUNO MUNO

  180. ROHO NI OIGAGA MUNO MUNO 1.  Roho ni oigaga o muno, muno matuku,  Maria magoka andu amwe magatigana;  Na uhoro wa gwitikia Ngai;  Makigua maroho maria mahenanagia,  Na morutani ma ndaimono.     2.  Tondu wa uhinga wa andu aria maragia,  Mathara namo meciria ma ngoro ciao  Acio othe riu matuire  Mari ahiu ta macinitwo na kigera,  Kiria kihiu muno makiria.     3.  Acio nio makanagia andu a thi yothe,  Uhiki wa kigongona kiria githeru;  Na makera andu a thi yothe,  Marega mathani maria Ngai aheire  Andu aria atheru kirima-ini.     4.  Mathani maria Jehova aheire Musa,  Na mathani maria Jesu aheire Atumwo  Metagwo muoyo tungatirai,  Jesu ni erire Caitani kiugo kia Ngai,  Nigituragia mundu muoyo.
Post a Comment
Read more

181. KIRINDI GIA THI YOTHE IGUAI

  181. KIRINDI GIA THI YOTHE IGUAI 1.  Kirindi gia thi yothe iguai,  Roho wa Jehova niariirie,  Athinjiri na ngombo ciao.  Na athini na itonga.     Chorus:  Jehova githi ndari muoyo,  Uria wombire ngoro cianyu,  Na akiuga ahoyagwo ni andu othe  Roho niwe muira.     2.  Anabii na Atumwo a Jesu,  Acio othe nimatumburiire,  Ngai iria ituragwo na moko.  Ni andu itiri kiene.     3.  Ituragwo igekirwo ciiga,  Na moko na itingioya kindu,  Maguru iri namo ta mundu,  Na itiri undu ingiika.     4.  Na inyui othe aturi a mihianano  Mwamigoca mukoiga ihoywo,  Ngoro cianyu ikahana otayo,  Muthenya wa ciira.
Post a Comment
Read more

182. TONYERERAI ITURA RIERU

  182. TONYERERAI ITURA RIERU 1.  Tonyererai itura rieru  Mucii mutheru wa wendani  Muiyuritwo ni uthingu na  Utheru wa ngoro.    2.  Hunjaniriai makanitha-ini,  Mumenyithie andu ndi hakuhi  Ngurugamiria ngwataniro  Na wagiriru wa ngoro.     3.  Kirorerei muturire,  Wa ngoro thingu cia wendani.  Ikirumirira ngwataniro  Na wagiriru wa Mwathani.    4.  Eheraniriai wara wothe,  Na hitho ciothe cia ngarari,  Wira ti wanyu,  Wi moko-ini ma Mwathani.     5.  Nindimuigite itura rieru,  Mucii mutheru wa wendani,  Mundu wothe niemenyerere,  Ngoro-ini yake kwaga utheru.     6.  Cokereriai ngoro ciothe,  Mumere wega ndi kiriga,  Kia wira wa tuhu,  Na mworotano rugendo-ini.     7.  Giai na uugi wa wendo,  Mweru wa ituura rieru.  Ria wira wa Roho,   Na wagiriru wa Mwathani.
Post a Comment
Read more